Рэгіёны расійскага Паўднёвага Урала працягвае моцна затапляць. Паводкі ўжо пабілі рэкорды. За суткі ў Арэнбургу затапіла яшчэ каля тысячы дамоў і амаль 2 тыс. участкаў. Пры гэтым узровень вады ў рацэ Урал знізіўся за апошнія гадзіны ўсяго на 2 см.
Колькасць эвакуіраваных у Арэнбургскай вобласці вырасла да 16,5 тыс. чалавек. Тым часам у Томску аб'яўлена эвакуацыя жыхароў шэрагу раёнаў. Там імкліва павышаецца ўзровень вады ў мясцовай рацэ. У рэгіёне прэвентыўна нарошчваюць дамбы, рыхтуюць мяшкі з пяском. Ідзе эвакуацыя і ў Курганскай вобласці. У невялікіх гарадках і сёлах вада ўжо заходзіць на вуліцы.
