Удары ЗША і Брытаніі па Емене прывядуць толькі да ўзмацнення нестабільнасці ў рэгіёне, заяўляюць у МЗС Ірана. Ведамства называе атаку самавольствам і парушэннем тэрытарыяльнай цэласнасці Емена. Саудаўская Аравія заклікае да стрыманасці.
За нестабільнай сітуацыяй у Чырвоным моры ўважліва сочаць кітайскія ўлады, паведамляе Галоўнае мытнае ўпраўленне КНР і адзначае: тое, што адбываецца, можа стаць перашкодай для паспяховага развіцця гандлю сёлета.
Рашэнне Байдэна атакаваць хусітаў крытыкуюць і ў Вашынгтоне. Шэраг заканадаўцаў-дэмакратаў супраць аперацыі, не якая атрымала адабрэння ў кангрэсе. А дзеянні Байдэна асобныя кангрэсмены называюць неканстытуцыйнымі.