Меней за паўгадзіны назад Дональд Трамп выступіў са штогадовым зваротам да Кангрэса. Галоўнай тэмай прамовы прэзідэнта ЗША стала сітуацыя з бюджэтам краіны. Кіраўнік Белага дома зноў заклікаў партыі аб'яднацца для пераадолення крызісу і нагадаў дэмакратам, што ў іх засталося ўсяго 10 дзён, каб прыняць рашэнне аб бюджэце на ўмацаванне паўднёвых меж. Ад сваёй ідэі пабудаваць сцяну Трамп адмаўляцца не збіраецца.
Дональд Трамп, прэзідэнт ЗША:
"Арганізаваныя караваны мігрантаў ідуць у Злучаныя Штаты. Мексіканскія гарады, каб вывезці нелегальных імігрантаў са сваіх суполак, саджаюць іх на аўтобусы і адпраўляюць у нашу краіну, у раёны, дзе ахова мяжы слабая. Я загадаў яшчэ 3750 вайскоўцам прыбыць да нашай паўднёвай мяжы. Зараз яе стан уяўляе пагрозу для бяспекі, абароны і фінансавага дабрабыту ўсёй Амерыкі".
Кіраўнік Белага дома таксама не ўпусціў магчымасці падкрэсліць поспехі Штатаў. Трамп адзначыў, што за два гады яго прэзідэнцтва эканоміка краіны імкліва ўзляцела ўверх, а ўзброеныя сілы сталі самымі магутнымі ў свеце. Трамп пахваліўся самым нізкім за 50 гадоў беспрацоўем, рэкордным узроўнем стварэння рабочых месцаў і навуковым прагрэсам краіны.
