Ізраільскія знішчальнікі наносяць удары па сектары Газа. Усяго за суткі паражана больш як 450 цэляў у палесцінскім анклаве. Акрамя таго, вайскоўцы выпусцілі снарады па Сірыі, адкуль, паводле даных ЦАХАЛ, здзейснены мінамётны абстрэл ізраільскай тэрыторыі. Застаецца напружанай сітуацыя на лівана-ізраільскай мяжы. Напярэдадні ХАМАС выпусціў не менш як 100 ракет па Ашкалоне, абстрэльваліся іншыя населеныя пункты на поўдні і поўначы яўрэйскай дзяржавы. Паведамляецца аб сутыкненнях ізраільскіх і палесцінскіх сіл у Іўдзеі і Самарыі.
Ва Усходнім Іерусаліме ў сутычках паліцыя прымяніла слёзатачывы газ і агнястрэльную зброю. Там загінулі двое палесцінцаў. Усяго ж колькасць ахвяраў канфлікту ў Ізраілі перавысіла 1 200. У сектары Газа загінулі 900 чалавек.
Як паведаміла МЗС Палесціны, Ізраіль пры абстрэле анклава прымяніў снарады з белым фосфаром, прытым што выкарыстанне гэтай зброі забаронена. Насоўваецца гуманітарная катастрофа - сектар Газа знаходзіцца ў блакадзе, разбурана больш як 22 тысяч дамоў, 10 бальніц, больш як 50 школ.
