Палітычны крызіс ва Украіне набірае абароты

Спікер Вярхоўнай рады Уладзімір Гройсман сёння быў вымушаны датэрмінова закрыць пасяджэнне парламента з-за таго, што дэпутаты "Народнага фронту" і "Радыкальнай партыі Алега Ляшко" заблакіравалі трыбуну заканадаўчага органа краіны. Такім чынам, на парадак дня не трапіў законапраект, які прадугледжвае магчымасць канфіскацыі грашовых сродкаў у падазроных ва ўчыненні карупцыйных злачынстваў або адмыванні даходаў да абвінаваўчага прысуду. На яго прыняцці неаднаразова настойваў прэм'ер Арсеній Яцанюк, падкрэсліваючы, што зараз ва Украіне арыштаваныя сродкі на агульную суму ў паўтара мільярда долараў, якія трэба канфіскаваць і накіраваць у бюджэт. Дарэчы, анансаванае раней пытанне аб адстаўцы Яцанюка не было вынесена на пленарнае пасяджэнне - рэгламентны камітэт Рады прызнаў праект пастановы неадпавядаючым Канстытуцыі і законам краіны. Раней сёння Яцанюк заявіў, што гатовы пакінуць сваю пасаду, але толькі ў выпадку, калі парламент зможа набраць колькасць галасоў, неабходную для зацвярджэння новага кіраўніка кабміна. Паміж тым, як паведаміла Дзяржаўная служба статыстыкі, запазычанасць насельніцтва за жыллёва-камунальныя паслугі ва Украіне ў студзені вырасла на 22% у параўнанні са снежнем мінулага года і склала парадку 408 мільёнаў долараў.