Памяць Віталя Чуркіна ўшанавалі і калегі па ААН

Тэлеграмы са спачуваннямі ў сувязі са смерцю Віталя Чуркіна прыходзяць на адрас МЗС Расіі з розных частак планеты. Памяць дыпламата ўшанавалі і калегі па ААН. У штаб-кватэры арганізацыі прыспушчаныя флагі. Пасяджэнне Савета Бяспекі - першае за доўгія гады без удзелу Віталя Чуркіна - пачалося з хвіліны маўчання. У найбліжэйшы час на спецыяльную сустрэчу, прысвечаную расійскаму дыпламату, збярэцца Генасамблея. Яе кіраўнік Пітэр Томпсан ужо заявіў, што сапраўднага сына і выбітнага дыпламата страціла не толькі Расія, але і ўся Арганізацыя Аб'яднаных Нацый. Напярэдадні Савет Бяспекі прыняў заяву з нагоды смерці дыпламата і выказаў спачуванні сям'і пасла, ураду і народу Расіі. Паміж тым, як паведамляе расійскае МЗС, заява, нягледзячы на яе публікацыю на сайце ААН, была блакіравана Украінай, якая старшынствуе ў Савеце Бяспекі.