Пакет з самаробнай бомбай прыйшоў на адрас міністра фінансаў Германіі Вольфганга Шойбле. Прыстасаванне было зроблена такім чынам, каб нанесці максімальны ўрон. Работнікаў ведамства экстранна эвакуіравалі, небяспечную знаходку вывезлі і ліквідавалі на спецыяльным палігоне. У паліцыі не ўдакладнілі, ці ёсць у іх падазроныя. Таксама пакуль невядома, ці можна адносіць здарэнне да спробы тэракта. Вядома толькі, што на пасылцы быў напісаны зваротны адрас - адпраўніком быў віцэ-прэзідэнт грэчаскай апазіцыйнай партыі "Новая дэмакратыя" Адоніс Геаргіядыс.
