Жыхары Кітая і ўсе аматары ўсходняй культуры ў прадчуванні кульмінацыі зімовых урачыстасцяў. Новы год будуць сустракаць сёння - у ноч на 10 лютага. Урачысты настрой і антураж будуць панаваць яшчэ на працягу двух тыдняў. Паводле традыцыі жыхары Кітая і захавальнікі яго спадчыны адзначаюць Новы год 2 разы за сезон. Спачатку па грыгарыянскім календары - у ноч на 1 студзеня, а затым па ўсходнім. Аб навагодніх традыцыях, якія прыцягваюць поспех і шчасце, распавяла Аляксандра Гойтан.
Каларыт Паднябеснай - цяпло хатняга ачага, душэўныя размовы, багацце і магія ўсходняй спадчыны. Восьмы год Клуб кітайскай культуры "Цан Цзэ" дае магчымасць стаць бліжэй да самабытнай Азіі. Сярод актыўных удзельнікаў - носьбіты традыцый, для якіх Беларусь стала другой радзімай.
Ку Вэйпэн, мастак, аспірант Беларускай дзяржаўнай акадэміі мастацтваў:
Я доўга аналізаваў - выбіраў далейшае месца вучобы паміж Беларуссю і іншымі краінамі Еўропы. Спыніўся на Мінску, бо тут выдатнае навакольнае асяроддзе, спагадлівыя і добрыя людзі. Таксама паўплываў на мой выбар і высокі ўзровень адукацыйнай базы ў Акадэміі мастацтваў.
Ад майстар-класаў па кітайскім баявым мастацтве і лекцый па шанхайскім джазе да выстаў жывапісу і фатаграфій - сустрэчы праводзяць розныя. Тут аднолькава шануюць як беларускія, так і кітайскія святы. Гэта сустрэча асабліва ўрачыстая - прысвечана легендам, гісторыі і традыцыям кітайскага Новага года.
У навагоднім аздабленні кітайскага свята цэнтральнае месца займае чырвоны колер і іерогліф "шчасце". Дзверы жылля ўпрыгожваюць самаробнымі гірляндамі.
Акрамя страў і дэкору, які прываблівае дабрабыт, важны і дрэс-код. Магістрантка Беларускага дзяржаўнага ўніверсітэта культуры і мастацтваў Дзін Юньгэ, напрыклад, апранула нацыянальнае кітайскае адзенне, якое мае назву - цыпао. Таксама зрабіла прычоску пры дапамозе традыцыйнай заколкі ў кітайскім стылі.
З прыходам Новага года Дракон праявіць сябе у поўны моц, ваду зменіць дрэва - галоўная стыхія.
У Кітайска-беларускім індустрыяльным парку прапануюць дакрануцца на шчасце да велічнага сімвала 2024 года. Акурат да свята там усталявалі каларытнага сіняга дракона вышынёй больш за 2 метры. Гэты міфічны герой адрозніваецца сваёй яркасцю і харызмай, а яшчэ лічыцца сімвалам сілы і мудрасці. Такі дракон у аўтарскім выкананні стане новай лакацыяй для сэлфі і новых легенд.
