Гэтымі хвілінамі ў Бруселі праходзіць чарговы раўнд перамоў, на якім будзе абмяркоўвацца пытанне паставак расійскага газу ва Украіну. На думку экспертаў, на гэтай сустрэчы бакам усё ж атрымаецца дасягнуць кампрамісу, і, хутчэй за ўсё, выніковае пагадненне будзе падпісана. Як паказваюць папярэднія падлікі, на ацяпляльны сезон Украіне запатрабуецца каля 7 мільярдаў кубаметраў газу. Яго кошт складзе 385 долараў за тысячу кубаметраў.
Тым часам Блок Пятра Парашэнкі прапанаваў прыняць новыя правілы паставак газу. Мяркуецца, што з 2018 года ніводная краіна не зможа экспартаваць газ ва Украіну ў аб'ёме, які перавышае 30% яе гадавога спажывання. Адпаведная інфармацыя змяшчаецца ў праекце кааліцыйнага пагаднення, апублікаванага на сайце партыі. Паводле праекта, партыя ўкраінскага прэзідэнта плануе аб'яднацца з лідарам выбараў у парламент - Народным фронтам прэм'ера Яцанюка і Самадапамогай, якая займае трэці радок па выніках галасавання. Як стала вядома, кіраўнік урада прапанаваў свой уласны план. Кааліцыю Арсеній Яцанюк бачыць шырэй - апроч тройкі лідараў выбараў, да ўдзелу запрашаюцца Бацькіўшчына Юліі Цімашэнкі і Радыкальная партыя Алега Ляшко.
