Усё новымі падрабязнасцямі абрастае ранішняя трагедыя ў Казахстане. Пасажыры згарэлага аўтобуса не змаглі выбрацца, паколькі бакавыя дзверы былі заблакіраванымі.
У Дэпартаменце ўнутраных спраў вобласці дапускаюць, што ў аўтобусе маглі перавозіць вялікую колькасць паліва, каб не запраўляцца на АЗС па дарозе. Таму пасля ўзгарання меркавана няспраўнай праводкі машына літаральна ўспыхнула. Нагадаем, сёння ў аўтобусе ў Акцюбінскай вобласці загінулі 52 чалавекі. Меркавана, машына загарэлася на поўным ходзе. Усяго ў перапоўненым "Ікарусе" знаходзілася 57 чалавек.
Эксперты па працоўнай міграцыі мяркуюць, што загінуўшыя і пацярпелыя накіроўваліся ў Расію на заробкі.
Паводле звестак, у згарэлага аўтобуса тэрмін тэхагляду мінуў амаль два гады таму, адсутнічае і ліцэнзія на перавозку пасажыраў. Па факце здарэння пракуратура Казахстана завяла крымінальную справу.
