Новае ўзмацненне жорсткасці тэсціравання дызельных аўтамабіляў на ўзровень забруджвання навакольнага асяроддзя

Еўрапарламент адобрыў пакет мер, накіраваных на ўзмацненне жорсткасці тэсціравання дызельных аўтамабіляў на ўзровень забруджвання навакольнага асяроддзя. Новыя правілы прынялі пасля скандалу з выкідамі аўтамабіляў "Фальксваген". Зараз тэсты будуць праходзіць і ў лабараторных умовах, і на дарозе. Раней іх праводзілі толькі ў лабараторыях. Новы дакумент увойдзе ў сілу ў наступным годзе. Праўда, эколагі ўжо заявілі, што правілы занадта мяккія. Справа ў тым, што пры тэсціраванні на дарогах будзе дапушчацца істотнае перавышэнне норм па забруджванні.