Новая хваля пратэстаў у Ліване

"Субота гневу" ў Бейруце. Там усю ноч працягваліся антыўрадавыя пратэсты. У сутыкненнях з паліцыяй пацярпелі больш за 200 чалавек. 80 шпіталізавалі, у тым ліку з цяжкімі траўмамі. Паводле інфармацыі СМІ, некаторыя дэманстранты паспрабавалі ўзяць штурмам будынак парламента, кідалі ў сілавікоў камяні і петарды. Тыя ў адказ ужылі вадамёты і слёзатачывы газ. Суботняя акцыя пратэсту арганізаваная мясцовай апазіцыяй праз затрымку фарміравання новага ўрада ў краіне.