На італьянскім востраве Лампедуза ўведзены рэжым НЗ з-за наплыву мігрантаў

З-за вялікага прытоку мігрантаў улады італьянскай Лампедузы ўвялі надзвычайнае становішча, перадае выданне Die Zeit. Паводле слоў мэра, востраў знаходзіцца ў стане "моцнага стрэсу". Яго жыхары дагэтуль спрабавалі самастойна дапамагаць бежанцам, што прыбылі, аднак іх паток не спыняецца і сіл у мясцовых проста не засталося. Яны патрабуюць ад улад тэрмінова знайсці рашэнне. Напярэдадні на востраў прыбыло больш за 5 тыс. перасяленцаў. Гэта амаль столькі, колькі і жыхароў Лампедузы. У такой сітуацыі італьянскі Чырвоны Крыж заявіў аб гуманітарным крызісе.