Магутны выбух у цэнтры шведскага горада Мальмё

Магутны выбух прагрымеў мінулай ноччу ў цэнтры шведскага горада Мальмё. Інцыдэнт адбыўся ля аднаго з начных клубаў. Паведамляецца, што невядомыя паклалі ўзрыўчатку ля ўваходу ва ўжо зачыненую ўстанову позна ноччу, а затым прывялі яе ў дзеянне. Выбуховай хваляй былі пашкоджаны сцены і вокны некалькіх будынкаў. У выніку надзвычайнага здарэння ніхто не пацярпеў. Праваахоўнікі праводзяць следча-пошукавыя мерапрыемствы.