Дызайнер Крыстафер Бейлі натхніўся творчасцю брытанскага мастака Генры Мура. Па кроі адзенне нагадвала яго скульптуры. Нават класічныя трэнчы сталі падобныя на лаканічныя, як быццам выразаныя з мармуру фігуры. Асацыяцыі выклікалі і аб'ёмныя кашулі, асіметрычныя трыкатажныя топы і накідкі, звязаныя са шчыльных шнуроў. Дызайнер жадаў вярнуцца да каранёў, паглядзець па-новаму на любімыя брытанцамі рэчы. Паводле слоў модных крытыкаў, у яго гэта атрымалася.
