На вуліцы горада выйшлі тысячы жыхароў. Прычына незадаволенасці ў тым, што кіраўніка ісландскага ўрада выкрылі ў сувязі з афшорнай кампаніяй. Скандал вакол палітыка пачаў набіраць абароты яшчэ месяц назад, калі яго жонка аб'явіла, што з'яўляецца ўладальніцай афшорнай фірмы. Насельніцтва краіны абураецца, што прэм'ер валодае буйнымі актывамі за мяжой. Адзначым, у Ісландыі дзейнічаюць жорсткія абмежаванні на вываз капіталу.
