Лідар радыкальнай партыі СІРЫЗА прыняў прысягу ў якасці новага прэм'ер-міністра Грэцыі

З перамогай Алексіса Цыпраса павіншаваў Антоніс Самарас - яго галоўны сапернік на выбарах. Паводле папярэдняй інфармацыі, партыя Алексіса Цыпраса набірае 36,5% галасоў. Галоўнае абяцанне СІРЫЗЫ - адмена мер жорсткай эканоміі, таксама новы ўрад Грэцыі мае намер дабівацца спісання большай часткі дзярждоўгу краіны. Але, як заявілі крэдыторы, нягледзячы на абяцаны Афінамі новы план рэформ, спісанне доўгу не ўяўляецца магчымым юрыдычна. Не выключана, што Грэцыі наогул пагражае дэфолт і выхад з еўразоны. У найбліжэйшы час кіраўнік СІРЫЗЫ паведаміць прэзідэнту краіны аб гатоўнасці сфарміраваць урад. Вядома, што ў кіруючую кааліцыю таксама ўвойдзе правая нацыяналістычная партыя "Незалежныя грэкі".