Эпатажная зорка сусветнай поп-сцэны Лэдзі Гага не перастае здзіўляць прыхільнікаў яе таленту. На прэзентацыі свайго новага альбома Артпоп на адной з нью-ёркскіх верфяў спявачка паказала публіцы свой новы ўбор - першую ў свеце лятаючую сукенку. Лэдзі Гага забралася на агрэгат, які складаецца са стойкі і шасці прапелераў. Пад сукенку была стылізаваная кабіна пілота. Пад шум прапелераў зорка адважна паднялася на невялікую вышыню і праляцела каля дзесяці метраў.
Прызямленне прайшло мякка. Спявачка і госці былі задаволеныя. Дарэчы, у найбліжэйшых планах у Лэдзі Гага не менш экстрэмальнае выступленне - у 2015 годзе яна плануе паляцець у космас, каб у бязважкасці выканаць для ўсіх зямлян адну са сваіх кампазіцый.
