Лава на востраве Пальма дасягнула акіяна

Вывяржэнне на іспанскім востраве Пальма перайшло на новы этап - лава дабралася да акіяна. Гарачыя патокі сцякаюць у ваду з вышыні 100 метраў. Пры гэтым у паветра ўзнімаюцца таксічныя газы - сера, хлор і фтор. Насельніцтву загадана заставацца дома. Мясцовыя ўлады забаранілі суднам уваход у акваторыю. Патокі магмы ўжо разбурылі амаль 600 будынкаў на Пальме, пашкоджана больш за 20 кіламетраў дарог. Пры гэтым агністыя рэкі цякуць нераўнамерна - адзін з дамоў застаўся некранутым сярод выпаленай зямлі. Востраў аб'яўлены зонай стыхійнага бедства. Улады асцерагаюцца, што тое, што адбываецца, можа абярнуцца экалагічнай катастрофай.