Да мемарыяла на плошчы Рэвалюцыі, дзе выставілі урну з прахам лідара рэвалюцыі, утварылася вялізная чарга. Пякучае сонца і шматгадзіннае чаканне, але кубінцы гатовыя зладзіцца з любымі складанасцямі, каб развітацца з любімым камандантэ. Урна з яго прахам застанецца ў Гаване на 2 дні, а потым яе даставяць у гарадок Сант'яга-дэ-Куба, дзе 4 снежня Фідэль Кастра будзе пахаваны. Жалобная цырымонія падоўжыцца тыдзень. Кіраўнікі і афіцыйныя прадстаўнікі трох дзясяткаў дзяржаў выказалі жаданне асабістым візітам на Кубу ўшанаваць памяць Кастра. Беларусь на памятных мерапрыемствах прадстаўляе кіраўнік спраў Прэзідэнта нашай краіны Віктар Шэйман.
