Італія развітваецца з Берлусконі

У Італіі сёння агульнанацыянальная жалоба. У гэтыя хвіліны ў Міланскім саборы праходзіць цырымонія развітання з выдатным італьянскім палітыкам Сільвіа Берлусконі. У храм дапушчаны да 2 тыс. чалавек, а на Саборнай плошчы сабраліся каля 20 тыс. грамадзян. Тут усталяваны два вялізныя відэаэкраны, на якіх трансліруецца цырымонія. Цырымонія пахавання адбудзецца з выкананнем правіл пратакола, які прадугледжвае, у прыватнасці, адданне воінскіх ушанаванняў нябожчыку і суправаджэнне труны карабінерамі ў параднай форме.