Іспанія зноў ахоплена дэманстрацыямі - дзясяткі тысяч чалавек выйшлі на вуліцы буйных гарадоў, усе яны патрабуюць правядзення рэферэндуму аб увядзенні ў краіне рэспубліканскай формы кіравання. Галоўныя маніфестацыі, як і днямі раней, адбыліся ў Мадрыдзе і Барселоне. Падставай паслужыла адрачэнне караля Хуана Карласа ад прастола ў пачатку тыдня на карысць прынца Астурыйскага Феліпе. Апошнія гады каралеўская сям'я была ў цэнтры шэрагу гучных карупцыйных скандалаў. Малодшай дачцэ Хуана Карласа Крысціне і яе мужу былі прад'яўлены абвінавачанні ў фінансавых злоўжываннях і нявыплаце падаткаў. Папулярнасць дынастыі Бурбонаў у Іспаніі ўпала да рэкордна нізкага ўзроўню.
