Парламент вечарам правядзе галасаванне. Кандыдатаў - двое. Кіруючую кааліцыю прадстаўляе правацэнтрысцкі палітык Пракопіс Паўлопулас. Яго кандыдатуру ўнёс прэм'ер-міністр Алексіс Цыпрас. А партыя "Рака" плануе вылучыць выкладчыка канстытуцыйнага права ў Афінскім універсітэце Нікаса Алівізатаса. Паўнамоцтвы дзеючага прэзідэнта Грэцыі заканчваюцца 13 сакавіка.
Тым часам сёння кіраўніцтва ЕЦБ павінна вырашыць, ці працягваць фінансаванне грэчаскіх банкаў. Папярэднія перамовы Афін з міністрамі фінансаў еўразоны скончыліся нічым. У Грэцыі ёсць час да пятніцы, каб прадоўжыць фінансаванне, інакш банкі чакае дэфіцыт ліквіднасці.