Футбольная асацыяцыя Англіі пачала расследаванне выпадкаў насілля над дзецьмі

Падставай для разбору паслужылі заявы футбалістаў аб тым, што, быўшы падлеткамі, яны падвяргаліся сексуальнаму насіллю з боку трэнераў. Пра такія выпадкі паведамілі ўжо больш чым 20 футбалістаў. Размова ідзе, у прыватнасці, наконт каманд "Блэкпул", "Манчэстэр Сіці", "Стоўк", "Лідс Юнайтэд", а таксама "Ньюкасл Юнайтэд". Футбольная асацыяцыя краіны пачала ўнутраную праверку, каб высветліць, ці ведалі спартыўныя чыноўнікі, у тым ліку кіраўніцтва клубаў, пра тое, што адбываецца.