Уся інфармацыя будзе фіксавацца ў спецыяльнай базе. Там будуць захоўвацца звесткі пра тых, каму ў перасячэнні мяжы адмоўлена. Доступ да базы атрымаюць еўрапейскія праваахоўнікі. Новая сістэма закліканая ўзмацніць барацьбу з тэрарызмам і аўтаматызаваць працу пагранслужбаў. Да прыкладу, пашпарты замежнікаў, якія заязджаюць і выязджаюць, будуць сканавацца, а не праштампоўвацца - гэта павінна дапамагчы пазбегнуць падробак дакументаў. Мяркуецца, што новая сістэма кантролю заробіць праз тры гады.
