Еўразійскі міжурадавы савет пройдзе сёння ў рэжыме відэаканферэнцыі

Еўразійскі міжурадавы савет пройдзе сёння ў Маскве ў фармаце відэаканферэнцыі. Адна з асноўных тэм - забеспячэнне эканамічнай стабільнасці ва ўмовах развіцця пандэміі каранавіруснай інфекцыі COVID-19. Кіраўнікі ўрадаў ЕАЭС плануюць зацвердзіць меры, якія прымаюцца  ў рамках саюза пяці дзяржаў. Таксама  ўдзельнікі разгледзяць падыходы да рэгулявання пытанняў бяспошліннага  ўвозу тавараў для асабістага карыстання ў рамках міжнароднага электроннага гандлю. У снежні 2017 года краіны ЕАЭС дамовіліся аб паніжэнні парога бяспошліннага  ўвозу пасылак з-за мяжы. Пры гэтым члены саюза могуць устанаўліваць  свае паказчыкі ў межах прынятага ў ЕАЭС ліміту. Для беларусаў з  1 студзеня 2020 года парог бяспошліннага  ўвозу складае 31 кг і 200 еўра за адну пасылку.