Экс-супрацоўнік ЦРУ Эдвард Сноўдэн знаходзіцца ў транзітнай зоне Шарамецьева

Фармальна расійскую мяжу ён не перасякаў і, хутчэй за ўсё, яшчэ не прыняў рашэнне, куды накіравацца далей. Пра гэта журналістам шэрагу інфармагенцтваў, якія ўжо трэція суткі дзяжураць у аэрапорце, на ўмовах ананімнасці паведаміў адзін з супрацоўнікаў службы бяспекі аэрапорта. Нагадаем, 24 чэрвеня чакалася, што Сноўдэн накіруецца ў Эквадор праз Кубу. Ён нават зарэгістраваўся на рэйс, але ў самалёце не з'явіўся. Сітуацыю са збеглым экс-супрацоўнікам ЦРУ сёння пракаменціраваў кіраўнік расійскага МЗСа Сяргей Лаўроў.