Дымавая пастка ў сэрцы Венецыі

Напярэдадні невядомыя падарвалі дзве дымавыя шашкі на знакамітай плошчы Сан-Марка. Інцыдэнт выклікаў паніку ў турыстаў і мясцовых жыхароў. У паветры рэзка запахла хімічным рэчывам, а густыя клубы дыму ахуталі ўсё вакол. Людзі паспяшаліся схавацца ў вузкіх вулачках, прыняўшы інцыдэнт за тэракт. На месца надзвычайнага здарэння прыбыла паліцыя і ўстанавіла, што паніку ў горадзе справакавалі злодзеі, якія пад дымавой фіранкай паспрабавалі абрабаваць вядомы ювелірны магазін. Зрэшты, прадаўшчыцы паспелі заблакіраваць уваходныя дзверы, а зламыснікі ўцяклі з месца злачынства. Зараз іх шукаюць.