Беларускую сталіцу наведала кітайская дэлегацыя. Сустрэча з гасцямі з камерцыйнага цэнтра Паднябеснай Гуанчжоу прайшла ў Мінскім гарвыканкаме. Дэлегацыя таксама наведала адну з гімназій горада, Беларускі дзяржаўны ўніверсітэт і гандлёвы цэнтр "Сталіца", каб азнаёміцца з падыходам да адукацыі і развіццём нацыянальных брэндаў.
Чжан Яцзэ, намеснік старшыні камітэта Народнай палітычнай кансультатыўнай рады Кітая ў Гуанчжоу:
Найважнейшыя для нас сферы - гэта адукацыя і культура. Таму мы спадзяёмся праз паляпшэнне адносін паміж урадамі развіваць іх.
Адносіны Мінска з Гуанчжоу актывізаваліся два гады таму. У цэлым у беларускай сталіцы цесныя стасункі з шасцю гарадамі Кітая, у тым ліку са сталіцай Пекінам.