Надзвычайнае здарэнне на паўночным захадзе аўстралійскага Сіднея

Пасажырскі цягнік, які прыбыў на станцыю, не змог затармазіць і ўрэзаўся ў буферны тупіковы ўпор платформы. Відавочцы гавораць, што састаў рухаўся з хуткасцю 60-70 кіламетраў за гадзіну. У выніку інцыдэнту пацярпелі 16 чалавек. Пяцёра пасажыраў даставілі ў бальніцу на верталёце - іх стан медыкі расцэньваюць як цяжкі. Спецыялісты высвятляюць, што стала прычынай аварыі - памылка машыніста або тэхнічная няспраўнасць.