Амерыканскія навукоўцы знайшлі хвост Сонечнай сістэмы

Даследчыкі зрабілі такую выснову на аснове звестак, атрыманых за тры гады працы ў космасе аўтаматычнага апарата Айбекс. Навукоўцы высветлілі, што ў Сонечнай сістэмы, як і ў камет, ёсць хвост. Ён складаецца з двух струменяў зараджаных часціц, якія хутка рухаюцца і зверху і знізу выходзяць з Сонца, а таксама яшчэ двух струменяў зараджаных часціц, якія павольна рухаюцца, па баках. Формай усе гэтыя струмені трохі нагадваюць чатырохлістую канюшыну.