Экс-прэзідэнту Кыргызстана Алмазбеку Атамбаеву прад'яўленыя абвінавачанні ў забойстве і іншых асабліва цяжкіх злачынствах. Пра гэта заявілі ў Генеральнай пракуратуры краіны. Яму ўручылі адпаведнае апавяшчэнне. Нагадаем, былы прэзідэнт Кыргызстана быў затрыманы 8 жніўня ў сваёй рэзідэнцыі ў сяле Кой-Таш падчас спецаперацыі, якая працягвалася амаль суткі. Яго падазраюць у забойстве спецназаўца, замаху на забойства іншых людзей, а таксама ў арганізацыі масавых беспарадкаў. Яму пагражае пажыццёвае пазбаўленне волі.
