У шэрагу раёнаў сектара Газа наступіў голад, паведамілі ў ААН. Сітуацыя ў зоне канфлікту пагоршылася з надыходам халадоў. 300 тыс. чалавек пражываюць сярод руін і без доступу да харчавання.
Прадстаўнікі ААН выступілі з заклікам адкрыць маршруты для ўезду грузавікоў з гуманітарнай дапамогай. У гэтым месяцы толькі чвэрць канвояў дасягнула пункта прызначэння на поўначы рэгіёна.
Тым часам NBC News паведамляе, што для мільёна дзяцей у Газе жыццё стала невыносным. Многія страцілі бацькоў, збеглі ад авіяўдараў і зараз жывуць практычна на вуліцы ў пункце пропуску "Рафах". Часам ім прыходзіцца стаяць у чэргах да васьмі гадзін на дзень дзеля талеркі супу, а аб вучобе і размовы не ідзе.
