11:11 - менавіта такі лік быў падчас фінальнай сірэны ў матчы паміж камандамі "Метэор" Кастрычніцкага раёна Мінска і "Атлетык" - з Савецкага. На лёдзе малой арэны ў Чыжоўцы юныя хакеісты працягваюць спаборнічаць за пуцёўку ў рэспубліканскі фінал "Залатой шайбы". У іншых матчах дня "Партызан" абгуляў каманду Маскоўскага раёна "Мядзведзь" з лікам 9:1. А хлопцы з Фрунзенскага раёна не змаглі знайсці ні аднаго аргументу ў матчы з "Грыфонамі". Паражэнне - 0:8.Заўтра на турніры заключныя матчы групавога этапа. Паядынкі плэй-оф пройдуць у панядзелак. Завершыцца ж гарадскі этап "Залатой шайбы" ў аўторак. Вырашальны матч пачнецца ў 16:15. А сустрэча за бронзу - на паўтары гадзіны раней.