Трэніроўка, куды маглі трапіць у тым ліку самыя адданыя балельшчыкі клуба, дыялог у фармаце адкрытага мікрафона, паказ мерча і, вядома ж, аўтограф-сесія. У такім фармаце напярэдадні прайшла перадсезонная прэс-канферэнцыя самага тытулаванага валейбольнага жаночага клуба Беларусі "Мінчанкі".
Не так даўно каманда стала ўладальніцай першага ў гісторыі валейбольнага суперкубка, а зараз гатовая на максімум паказаць сябе не толькі ў Адкрытым чэмпіянаце Расіі, але і Кубку. Сёлета "Мінчанка" выступае пад кіраўніцтвам новага трэнера - Вольгі Пальчэўскай, якая раней кіравала моладзевай камандай. Значна абнавіўся і склад клуба.
Ужо на гэтым тыдні "Мінчанка" пазмагаецца за выхад у 1/8 фіналу Кубка Расіі. На сваім паркеце ў спарткомплексе "Уручча" каманда правядзе два матчы супраць клуба "Амічка". Сустрэчы пройдуць 26 і 27 верасня.
