На старт 30-метровай дыстанцыі адправіліся больш як паўсотня юных спартсменаў. Самаму малодшаму ўсяго два гады. Пасля размінкі трэба было апярэдзіць сваіх сапернікаў. На фінішы ўдзельнікам ўручылі медалі і салодкія падарункі. Гэтыя дзіцячыя спаборніцтвы сталі часткай традыцыйных калядных стартаў.
Але на гэтым калядныя старты не завершаныя. У суботу ў адным з гандлёвых комплексаў сталіцы пройдуць спаборніцтвы па скачках у вышыню, а ў нядзелю - забег па лесвіцы ў адным з самых высокіх будынкаў сталіцы.
