Амаль медаль. Чэмпіянат Еўропы па біятлоне ў Раўбічах дасягнуў кульмінацыі. Мужчынскі спрынт ужо завяршыўся. Жаночы ідзе ў гэтыя хвіліны.
На месцы падзей працуе Павел Капуцкі (прамое ўключэнне).
Аўстралія, Кітай, Японія, ЗША - вось такая шырокая геаграфія краін-удзельніц. Біятлонны стадыён побач, але мы перамясціліся да трампліна, дзе менш чым гадзіну таму пачалася кваліфікацыя этапа Кубка свету па фрыстайле ў лыжнай акрабатыцы.
Адзін з самых відовішчных відаў спорту канкурыруе з народным жаночым біятлонам. Мужчынская спрынтарская гонка ўжо скончылася. Яна ледзь не прынесла нам медаль. Сяргей Бачарнікаў прамахнуўся адзін раз на стойцы і толькі таму не падняўся на п'едэстал - пятае месца. Нашы спартсмены яшчэ не акліматызаваліся пасля паўночнаамерыканскіх этапаў. Перамог Тар’ей Бё з Нарвегіі.
У жаночым спрынце першай з нашых стартавала алімпійская чэмпіёнка Дынара Алімбекава. У яе 2 промахi і прамежкавае 19 месца на фінішы. Лідар каманды Ірына Крыўко ўзяла бронзу ў інндывідуалцы, але сёння адзін недакладны стрэл патрапіў прама па амбіцыях лідара каманды. Пакуль 11-я пазіцыя.
Прамая трансляцыя з Раўбіч прама зараз на "Беларусь 5". А ў 19 гадзін глядзіце фіналы спаборніцтваў фрыстайлістаў. Ганна Гуськова сезон прапускае. Затое Антон Кушнір і Аляксандра Раманоўская гатовыя змагацца за прызы. Але спачатку трэба справіцца з кваліфікацыяй. Працягваем хварэць за нашых спартсменаў!
