Уладзімір Чапелін, Раман Ялётнаў, Максім Варабей і Сяргей Бачарнікаў патрапілі ў стартавы пратакол сённяшняй спрынтарскай гонкі на 10 кіламетраў, з якой у Аберхофе стартуе 4-ы этап Кубка свету па біятлоне. Усяго ў гонцы выступяць 106 лыжнікаў-стралкоў. Прамую трансляцыю спрынту будзе весці тэлеканал "Беларусь 5". Пачатак у 16:05.
Менавіта з этапу Кубка свету ў Аберхофе сваё выступленне ў спаборніцтвах пачне і Дар'я Домрачава. Трохразовая алімпійская чэмпіёнка прыняла ўдзел у афіцыйнай трэніроўцы. Першая жаночая гонка этапу - спрынт на 7,5 км - пройдзе ў пятніцу.
