Напярэдадні II Еўрапейскіх гульняў дадатковым стымулам для спартсменаў стане і фінансавая падтрымка.
Сёння ў НАК нашай краіны ва ўрачыстай абстаноўцы ўручылі імянныя сведчанні стыпендыятам Прэзідэнцкага спартыўнага клуба. Усяго - 209 маладых атлетаў і 44 трэнеры. Яны прайшлі жорсткі адбор, у фінале якога засталіся самыя тытулаваныя і перспектыўныя. Атрымаўшы фінансавую падтрымку, у гэтых спартсменаў з'явілася дадатковая магчымасць працаваць на вынік. Што пасля значна спросціць і пераход у дарослы спорт.
Расказвае Алена Гарэльчык.
Іх выбіралі больш чым з 400. Пасля ўзросту галоўны крытэрый - вынік. І як паказчык - 67 спартсменаў са спісу 2018-га апынуліся ў цяперашнім. Амаль палова з іх падняла сваю планку, яшчэ 27 спартсменаў пацвердзілі свае вынікі.
Карына Таранда сёлета выйграла золата юніёрскага чэмпіянату свету, абнавіўшы рэкорд краіны. Сёння гэта галоўная жаночая надзея Беларусі ў скачковым сектары. Карына - дзеючая стипендиантка прэзідэнцкага спартыўнага клуба.
Шахматыстка Каця Зубкоўская абнавіла рэкорд самага маладога стыпендыята. Ёй усяго 8, і яна ўжо чэмпіёнка свету па бліцы сярод дзяўчынак. Гучны тытул узяла тут, у Мінску. Да яго дадала і золата чэмпіянату Еўропы. Аб тым, што Каця стала стыпендыяткай, юная шахматыстка даведалася ад трэнера. Спачатку нават не паверыла.
Самая вялікая прызначаная стыпендыя складзе 14 тысяч беларускіх рублёў за год, мінімальная - 2 тысячы. Трэнеры-выкладчыкі атрымаюць за год аднолькавую стыпендыю - 8 тысяч рублёў.
Увесь 2018-ы Максім Недасекаў атрымліваў стыпендыю Прэзідэнцкага спартыўнага клуба. Сваімі вынікамі малады спартсмен даказаў: год таму ў спіс перспектыўных яго прозвішча было ўнесена правільна. Сёлета Недасекаў уварваўся ўжо ў эліту скакуноў у вышыню з асабістым рэкордам, выйграўшы срэбра чэмпіянату Еўропы.
Двойчы стыпендыят Яўген Каралёк у 2018-м выйграў у скрэтчы ўсё, што толькі можна - чэмпіён свету, пераможца Кубка свету і хатняга, заключнага, этапу. Сёння Каралёк на трэніровачным зборы ў Турцыі, галоўная мэта на сезон - Еўрапейскія гульні.
Ад тых, хто падае надзеі, - у эліту беларускага спорту. Сёння ўжо экс-стыпендыяты Прэзідэнцкага спартыўнага клуба Недасекаў і Каралёк прадстаўленыя да імянной стыпендыі Прэзідэнта Беларусі. А значыць, галоўная задача праекта, якому сёлета спаўняецца 13 гадоў, выконваецца.
