За 2 дні да адкрыцця ў Магілёве дадзены старт афіцыйнай праграме мерапрыемстваў V Форуму рэгіёнаў.
Адкрыла яе спартакіяда Саюзнай дзяржавы сярод дзяцей і юнацтва "Алімп-2018", якая збярэ на пляцоўках вобласці амаль 200 беларускіх і расійскіх школьнікаў. Яны памераюцца сіламі ў трох відах спорту - валейболе, хакеі і шахматах. Месцам спартыўных баталій стануць Лядовы палац у Шклове, спарткомплекс "Алімпіец" і Магілёўскі прафесійны электратэхнічны каледж.
Для ўдзельнікаў спартакіяды падрыхтавана цікавая экскурсійная праграма. Юныя спартсмены возьмуць удзел і ў працы самога Форуму рэгіёнаў.
