Спартсмены, трэнеры, журналісты і проста балельшчыкі. З пачаткам Алімпійскіх гульняў сацыяльныя сеткі напоўніліся тысячамі яркіх фатаграфій з месца падзей. Пакажам найбольш каларытныя.
Таццяна Міхайлава - наша ўдзельніца Алімпіяды ў канькабежным спорце, якая трапіла на Гульні ў апошні момант, сваё фота ў алімпійскай вёсцы падпісала проста "Тут словы не патрэбныя".
Раман Ялётнаў сабраў вакол сябе ўсю каманду спартсменаў з Магілёўскай вобласці, а дзяўчаты-біятланісткі акружылі знакамітага флаганосца каманды Тонга. І з задавальненнем пазіруюць у яркіх масках.
Сяргей Далідовіч - наш алімпійскі доўгажыхар падчас цырымоніі адкрыцця паспеў сфатаграфавацца з алімпійскім чэмпіёнам Антонам Кушнірам і не прайшоў міма каларытнага мексіканца.
Ала Цупер пажадала ўсім удзельнікам Алімпіяды поспеху і прызналася - несці флаг для яе вялікі гонар.
Журналісты Белтэлерадыёкампаніі паспяваюць не толькі рыхтаваць матэрыялы для навінавых праграм і дзённікаў Алімпіяды, але і анансаваць свае сюжэты праз сацсеткі. "Было холадна, але весела" - так, напрыклад, пракаменціравала цырымонію адкрыцця вядучая Агенцтва тэленавін Ганна Эйсмант.
Свае станоўчыя цёплыя эмоцыі ў суровую зімовую Карэю адпраўляюць з Беларусі балельшчыкі. Вось такі плакат з аўтографамі і фота ўсіх нашых канькабежцаў і прадстаўнікамі шорт-трэка, а галоўнае заклікам "Хварэем за Беларусь!" сапраўды не застаўся незаўважаным.
Каб на адлегласці падтрымаць блізкіх і сяброў, збіраюцца цэлымі кампаніямі. Фота на памяць і подпіс "Хварэем за нашых!".
Убачыць сваё фота з пажаданнямі поспеху і словамі падтрымкі нашым алімпійцам можа кожны балельшчык. Лепшыя абавязкова з хештэгам #РазамЗаБеларусь будуць з'яўляцца ў эфіры выпускаў навін, "Панарамы" і, безумоўна, у "Галоўным эфіры". Публікуйце, як вы і вашы знаёмыя хварэеце за нашых алімпійцаў, і не забывайцеся пра хештэг.
