Кітайская тэнісістка - 38-ы нумар сусветнага рэйтынгу - сёння абгуляла прадстаўніцу Харватыі Дону Векіч, 7-5, 6-3. Аляксандра Сасновіч напярэдадні стартавала на другім у сезоне турніры Вялікага шлема супрацьстаяннем са швейцаркай Вікторыяй Галубіч. З той жа тэнісісткай, якую мінчанка абгуляла на корце "Чыжоўка-Арэны" ў паўфінале Кубка Федэрацыі. Аб самых яркіх момантах матча - сюжэт нашага спецыяльнага карэспандэнта ў Парыжы Ганны Эйсмант.
Парыж сустрэў другі турнір Вялікага шлема спякотай. Слупок тэрмометра на працягу дня паднімаўся да плюс 38. У сувенірных магазінах самы хадавы тавар - фірменныя капелюшы, каб без сонечнага ўдару атрымліваць асалоду на трыбунах ад гульні самых моцных тэнісістаў свету.
А ў стартавы дзень асноўнай сеткі турніру былі камфортныя плюс 25 і нават месцамі дождж. Але пакінем абмеркаванне нябеснай канцылярыі для спецыялізаваных праграм. Нас, вядома, у першую чаргу цікавіць гульня беларускіх тэнісістаў. Чацвёра спрабавалі прабіцца ў асноўную сетку: Вольга Гаварцова і Арына Сабаленка выбылі ўжо пасля першага круга, пасля другога Ілья Івашка і Уладзімір Ігнацік. З асноўнай сеткі ў жаночым турніры пачынала барацьбу толькі Аляксандра Сасновіч.
Яе мы сустрэлі яшчэ ў самалёце на шляху з Мінска ў Парыж. Нягледзячы на ранні вылет з барацьбы на папярэднім грунтавым турніры ў Рыме, Саша была поўная аптымізму.
Саша як адчувала, што ў першым крузе жараб'ёўка вызначыць у саперніцы добра ёй знаёмую швейцарку Вікторыю Галубіч. Раней Саша двойчы ў трох матчах яе абыгрывала, самы запамінальны ў паўфінале на Кубку Федэрацыі ў Мінску. Але "Ралан Гарос" - гэта асаблівы турнір, і першы сэт узяла Галубіч, якая даволі ўпэўнена адчувае сябе на грунце, 6.4. У другім Саша, давёўшы да тай-брэйку, усё ж выйграла 7.5, а трэцім і зусім павяла 5.1, але саперніца здолела два геймы адыграць. І ўсё ж беларуска давяла сэт і матч да сваёй перамогі.
На кортах мы будзем хварэць і за легенду беларускага і сусветнага тэніса Макса Мірнага. Для яго гэта ўжо будзе 20-ы "Ралан Гарос".
Так што з цікавасцю працягваем сачыць за турнірам.
