Салігорскі "Шахцёр" саступіў "Віцебску" ў фінале Кубка Беларусі па хакеі. Каманда з поўначы краіны аказалася больш моцнай (лік 2:1). Другі год запар менавіта "Віцебск" выйграе гэты трафей. Спартыўны агляд - у рубрыцы "Матчбол".
Футбол застаецца ў авангардзе спартыўных падзей. Брэсцкае "Дынама" перамагае "Слуцк", а вось "Іслач" - "Белшыну". Як вынік каманда з Мінскага раёна знаходзіцца ўжо на трэцім месцы чэмпіянату краіны.
Дружына Дзмітрыя Камароўскага была мацнейшая за бабруйчан (лік 2:0). Аднак самай яскравай сустрэчай выхадных, безумоўна, назавём гульню "Гомеля" і "Шахцёра". Салігорскі клуб працягвае барацьбу за месца ў элітным дэвізіёне, аднак набраць чарговыя свае балы не атрымалася. Напярэдадні "гарнякі" саступалі пасля першага тайма з лікам 0:2, здолелі аднавіць раўнавагу, але напрыканцы сустрэчы ўсё ж прайгралі (2:3). Пенальці рэалізаваў Ануфрыевіч.
"Мінск" з лікам 1:0 перамог "Нафтан", матч "Дынама" - БАТЭ перанеслі з-за ўдзелу барысаўчан у Еўракубку. "Нёман" перамог "Энергетык-БДУ" (3:1), а "Славія" - "Смаргонь" (2:0).
Барысаўскі БАТЭ няўдала правёў першую гульню раўнда плэй-оф кваліфікацыі Лігі канферэнцый. З лікам 1:4 беларусы саступілі "Балкані" ў Прышціне. Матч у адказ пройдзе ў апошні дзень лета. Пераможца гэтага супрацьстаяння згуляе ў групавым раўндзе турніру.
Салігорскі "Шахцёр" на хатняй пляцоўцы ўсё ж не здолеў заваяваць Кубак Руслана Салея. Напярэдадні дружына Яраслава Чупрыса выйгравала пасля дакладнага кідка Дзенісевіча, аднак у выніку саступіла з лікам 1:2. "Віцебск" другі год запар выйграе гэты трафей.
Бронзавыя медалі ўпершыню ў сваёй гісторыі заваявалі хакеісты "Брэста", якія з такім жа лікам былі мацнейшыя за сталічнае "Юнацтва".
На гэтым тыдні сочым за хакеем - гульнямі чэмпіянату краіны і стартам Кантынентальнай хакейнай лігі, а ў суботу "Вітэн" і "Сталіца" пазмагаюцца за Суперкубак Беларусі па міні-футболе. Усё гэта вас чакае ў прамым эфіры на тэлеканалах Белтэлерадыёкампаніі.
