Сабаленка саступіла Гауф у фінале US Open - 2023

Арына Сабаленка ўжо 11 верасня стане першай ракеткай свету ў жаночым адзіночным разрадзе. Гэтай ноччу беларуска на кортах Нью-Ёрка гуляла ў фінале заключнага ў сезоне турніру серыі Вялікага шлема супраць гаспадыні Коры Гауф. Менавіта Сабаленка ўзяла першы сэт (6:2), але саперніца здолела здзейсніць камбэк. 6:3 - другая партыя засталася за амерыканкай, а ў вырашальнай яна была мацнейшай - 6:2. Арына саступіла ў першым для сябе фінале US Open, але гэта не перашкодзіць ёй стаць першай у рэйтынгу WTA. Гауф жа паднімецца пасля гэтага трыумфу на трэці радок.