Сям'я спартсмена-паралімпійца Ігара Бокага, які прынёс зборнай Беларусі залаты медаль, сёння ўвесь дзень прымае віншаванні. З самай раніцы спяшаюцца павіншаваць трэнеры, блізкія, калегі. Малады, таленавіты спартсмен з Бабруйска ў свае 22 стаў сапраўдным беларускім брэндам. Яго імя ўсё часцей гучыць на сусветных арэнах. У Рыа ў яго яшчэ нямала дыстанцый, перажывае і спадзяецца ўся краіна, але самыя галоўныя кулачкі трымаюць за яго дома бацькі і малодшы брат. На радзіме чэмпіёна пабываў Андрэй Ястрабаў.
Яўген Бокі - малодшы брат Ігара, плывец, які падае надзеі. Не проста пераехаў у яго пакой, пайшоў па слядах брата. Гатовы гадзінамі распавядаць пра яго трафеі, але і ў самога ўжо цэлая калекцыя дыпломаў.
Разам з мамай пераглядае перамогу Ігара ў Рыа па некалькі разоў. Бо заплыў не толькі стаў чэмпіёнскім, брат выйграў золата з сусветным рэкордам.
Але ж Ігар Бокі мог і не стаць спартсменам.У школе добра маляваў, лёгка давалася матэматыка. Першыя спаборніцтвы па плаванні наогул прайграў. Але не здаўся. Але менавіта з такіх і вырастаюць сапраўдныя чэмпіёны, гаворыць першы трэнер Наталля Пазнякова.
На Паралімпіядзе ў Лондане здарылася тое, чаго ніхто не чакаў. 18-гадовы плывец з Беларусі заваяваў сярэбраны і пяць залатых медалёў. І ўжо там сусветны рэкорд. Пабіў ён яго і ў Рыа, праплыўшы 100 метраў за 53,85 секунды.
Менавіта тут, у самым вялікім басейне вобласці, Ігар Бокі рыхтаваўся да найважнейшай у яго жыцці Паралімпіяды. Гавораць работнікі, да глыбокай ночы. Зараз сюды нікога не дапускаюць - баяцца сурочыць перамогу. Упэўненыя, Бокі не абмяжуецца адным медалём.
Як раз такі басейн цалкам прыдатны для алімпійскіх дасягненняў. Усё, як у вялікім спорце: даўжыня 50 метраў, глыбіня - 5. Невыпадкова менавіта гэты комплекс быў выбраны для падрыхтоўкі спартсменаў.
Бабруйская школа плавання становіцца сусветным лідарам па падрыхтоўцы чэмпіёнаў. Павел Санковіч, Аляксандра Герасіменя і Ігар Бокі. І гэты толькі пачатак, упэўнены блізкія спартсмена. Бо Паралімпіяда ў Рыа толькі пачалася.
