Чацвёрты гульнявы дзень чэмпіянату свету па хакеі надоўга запомніцца беларусам. Па-першае, наша зборная ўзяла верх над віцэ-чэмпіёнамі свету швейцарцамі. У скарбонцы беларусаў зараз дзве перамогі. Па-другое, матч Расія - ЗША .
Падрабязнасці ў Паўла Капуцкага. Першая і пакуль найважнейшая шайба Міхаіла Грабоўскага на турніры. Закінутая з перадачы Сяргея Касціцына, які да гэтага сам адрозніўся двойчы. Яшчэ адзін раз швейцарцаў засмуціў Андрэй Стась, 4:3.
Пасля матчу наш трэнер Глен Хэнлан - сам былы варатар - скажа: Віталь Коваль правёў матч сусветнага ўзроўню. Перад гульнёй з фіналістамі мінулага чэмпіянату на адпачынак у беларусаў было менш за суткі. Напярэдадні патрацілі шмат сіл, перамагаючы Казахстан. Швейцарцы адпачывалі больш чым сорак гадзін. Але пасля матчу ўсё роўна гучаў беларускі гімн.
На чацвёрты дзень чэмпіянату свету пайшоў дождж, але свята ад гэтага не сапсавалася. Менш чым праз дзве гадзіны пасля перамогі беларусаў над швейцарцамі на Мінск-Арэне пачаўся матч Расія - ЗША.
Адна з самых гучных афіш нашага чэмпіянату гарантавала на Мінск-Арэне чарговы аншлаг. Расійскія фанаты робяць усё, каб іх каманда адчувала ў Мінску як дома.
Расіяне адпомсцілі амерыканцам за перамогу над беларусамі ў першым матчы, 6:1. Нават рахунак такі ж. Усходнія суседзі ўмела спусцілі зорна-паласатых з нябёс на беларускую зямлю.
Пасля другой перамогі беларусы дзеляць з амерыканцамі другое месца ў групе В. На Чыжоўка-Арэне канадцы напярэдадні перайгралі чэхаў - 4:3. Дзёрзкія французы, якія адолелі ў першы дзень турніру як раз-такі канадцаў, учора перамаглі славакаў, 5:3.
Сёння пройдуць яшчэ чатыры матчы. Два на Мінск-Арэне: Германія - Фінляндыя і Казахстан - Латвія. І два на Чыжоўка-Арэне: Італія - Данія, Нарвегія - Швецыя.
Дарэчы, аўтар вырашальнай шайбы, Міхаіл Грабоўскі, дзякуючы акцыі Прэзідэнцкага спартыўнага клуба, накіраваў 75 мільёнаў рублёў школе мінскаму Юнацтву.
