Без сенсацый завяршыліся гульні першага тура футбольнага першынства краіны, салігорскі валейбольны "Шахцёр" даведаўся, з кім згуляе у плэй-оф, а хакейны "Шахцёр" перамог у першым раундзе Кубка Прэзідэнта. Падрабязнасці ў рубрыцы "Матчбол".
Футбол - на гэтым тыдні ў авангардзе спартыўных падзей: мінскае "Дынама", жодзінскае "Тарпеда" і "Нёман" перамагаюць у першым туры, які стартаваў ў пятніцу!
Адпаведна усе прызёры мінулага першынства Беларусі стартуюць з вікторый і, такім чынам, працягваюць свае поспехі ў чвэрцьфіналах кубка краіны. Найбольш упэўнена ў мінулы ўікенд выглядалі "дынамаўцы" Мінска – аж 5:0 перамаглі яны "Смаргонь"!
"Тарпеда-Белаз" 1:0 мацнейшы за "Арсенал", а "Нёман" 2:1 перамог "Нафтан". Салігорскі "Шахцёр" мінімальна перайграў "Віцебск" 1:0! 29 сакавіка стартуе другі тур чэмпіянату!
Сталічнае хакейнае "Дынама" тым часам завяршыла серыю адной восьмай фіналу Кубка Гагарына, уступіўшы ў шостай гульні серыі маскоўскаму "Дынама" 1:3. Лік у супрацьстаянні стаў 4:2 на карысць масквічоў, такім чынам, мінчане у мінулым сезоне КХЛ занялі 16 месца!
А вось Кубак Прэзідэнта літаральна толькі стартаваў. Аднак ўжо вядома імя першай каманды, якая выйшла ў паўфінал. "Шахцёр" 4:0 у серыі перамог "Хімік" і чакае свайго наступнага саперніка. Лік у серыі паміж сталічным "Юнацтвам" і "Металургам" 3:1 на карысць каманды са Жлобіна: сёння ў 19:30 стартуе пятая гульня серыі. Вызначым нечаканы парытэт 2:2 у пары "Віцебск" – "Брэст". Пяты матч паміж імі таксама пройдзе сёння!
Валейбольны "Шахцёр" выдатна выступіў у рэгулярным чэмпіянаце расійскай Суперлігі: у суботу "гарнякі" 3:1 перамаглі ніжагародскі АСК і дзякуючы гэтаму сталі восьмай камандай турніру
Такім чынам в адной восьмай фіналу "Шахцёр" згуляе супраць "Енісея" – першая гульня пройдзе у чацвер – матч у адказ у нядзелю ў сталічным спартыўным комплексе "Уручча".
На гэтым тыдні вашай увазе - шмат хакея: гульні плей-оф Экстралігі і КХЛ, у суботу пачынаем сачыць за біятлонам – нас чакае першынство Расіі з удзелам лепшых беларускіх атлетаў! Усё гэта, зразумела, вас чакае на тэлеканалах Белтэлерадыёкампаніі. Любіце спорт і мы абавязкова яшчэ ўбачымся.
