Расказвае Андрэй Казлоў.
Зборная Беларусі па футболе - навіна нумар адзін на мінулым тыдні. Гэта нядзіўна, таму што на коне стаяла не толькі пуцёўка на чэмпіянат Еўропы, але і лёс галоўнага трэнера нашай каманды.
Трэці гол ставіць кропку у перспектывах зборнай паехаць на Еўра. На жаль, нашыя хлопцы вышэй за галаву скокнуць не змаглі.
На старце кваліфікацыйных гульняў журналісты, балельшчыкі і футбалісты сур'ёзна разважалі, што трапіць упершыню на топ-турнір цяжка, але рэальна. Мары разбіліся якраз аб тую самую рэальнасць.
Беларускіх футбалістаў крытыкаваць можа кожны, але відавочна ўзровень футбола ў цэлым саступае такім краінам, як Славакія і Украіна.
Але нельга не адзначыць уклад у наш футбол ужо ветэранаў - Цімафея Калачова і Юрыя Жаўнова. Першы правёў неверагодна натхняльны матч, а другі не аднойчы выручыў нашу каманду.
Георгій Кандрацьеў напярэдадні абяцаў, што пакіне сваю пасаду, калі выступім дрэнна. Выступілі дрэнна, шансы амаль страчаны. Тыя, хто жадае гарачых навін, жадаюць і адстаўкі. Мы ж падтрымаем нашага трэнера.
Мінскае Дынама зноў здзіўляе, і вельмі прыемна, што станоўча. Нашы хакеісты ў сваім апошнім матчы разграмілі каманду Слован з Браціславы. Зубры гуляюць моцна, з настроем, таму і дабіліся такого цудоўнага выніку. Балельшчыкі задаюцца пытаннем - з чым звязаная такая гульня беларусаў?
Матч супраць Слована - сапраўднае свята для тых, хто падтрымлівае Дынама не першы год. У гэтай гульні было ўсё, няхай першы перыяд і атрымаўся безгалявым.
Аляксей Калюжны ў матчы закінуў першую для сябе шайбу ў сезоне.
Але пасля матча падкрэсліў, што каманда на першым месцы. Галоўнае - перамога, і добра, калі з лікам 4:1.
Ужо заўтра Дынама прымае Атлант. І паспрабуе прадоўжыць пераможную серыю да трох матчаў. На зуброў у гэтым сезоне глядзець вельмі прыемна.