Разлічаны ён на вучняў пятых і шостых класаў, і ўжо прэзентавана яго вучэбна-метадычнае суправаджэнне: дапамога для педагогаў і рабочы сшытак для вучняў. Выданне распрацавана з улікам сучасных тэхналогій. У кнізе ёсць QR-коды, з іх дапамогай можна праслухаць урыўкі, аўдыязапіс або праглядзець ілюстрацыі, якія дапаўняюць тэму занятку. Стварыў вучэбны дапаможнік творчы калектыў у складзе 21 аўтара. Гэта вынік супрацоўніцтва Праваслаўнай царквы і Міністэрства адукацыі.
Таксама падрыхтаваны праект батлейкі - мініяцюрнага лялечнага тэатра, які дапаможа вучням візуальна замацоўваць вывучаны матэрыял праз ігравыя ролі персанажаў. Зараз вядзецца работа над слоўнікам тэрмінаў і паняццяў для педагогаў на дзвюх мовах - беларускай і рускай.
