Спаборніцтвы лыжных акрабатаў пачаліся ў 9 раніцы.
У спаборніцтвах прынялі ўдзел каля 70 лятаючых лыжнікаў з 12 краін. Сярод гасцей - аўстралійцы, амерыканцы, а таксама кітайскія спартсмены і расіяне.
Беларуская зборная выступала без алімпійскіх чэмпіёнаў Антона Кушніра і Алы Цупер. Кушнір праходзіць паглыбленае медыцынскае абследаванне, каб цалкам аднавіцца ад траўмы, Цупер яшчэ не набрала патрэбную форму.
Кваліфікацыі, як і фіналы, прайшлі годна, нягледзячы на складаныя ўмовы надвор'я.
У мужчын з беларусаў ніхто не пераадолеў кваліфікацыйны бар'ер. Найлепшы вынік паказаў Павел Дзік. У яго 13 месца. Максім Гусцік апынуўся 16-ым, Станіслаў Гладчанка - 19-ым. Ілья Гарэлік і Дзмітрый Мазуркевіч увайшлі ў трыццатку. Этап Кубка свету ў "Раўбічах" з'яўляецца перадапошнім у гэтым сезоне, а заключны пройдзе 4 сакавіка ў Маскве.
